Sauðfjárræktarfélagið Neisti

Flettingar í dag: 28
Gestir í dag: 9
Flettingar í gær: 29
Gestir í gær: 14
Samtals flettingar: 95746
Samtals gestir: 26865
Tölur uppfærðar: 23.4.2017 15:46:26

Færslur: 2014 Júní

27.06.2014 17:36

Ferð

Sælir Neistar


Í samræmi við ákvörðun síðasta aðalfundar er stjórn félagsins búin að kanna með líflamba kaupaferð í Öræfasveitina. Fyrirhugað að fara laugardaginn 27. sept. Búið er að panta gistingu á Smyrlabjörgum fyrir 40 manns. Við þurfum að ganga frá þessu í lok ágúst, þannig að nú þarf hver og einn að ákveða hvort hann/hún ætlar með.

Það er af hrútum félagsins að frétta að Skurður veiktist í vor og drapst.

Búið er að panta hjá rml. fyrir hrútasýningu í fyrstu viku október.

Minnum á að sækja þarf um leyfi vegna líflamba kaupa, til Mast fyrir 1. júlí

 

Fyrir hönd stjórnar

Ritarinn.

24.06.2014 00:40

Smalahundafélag Hörgársveitar

                                                                                                                                            

Fundarboð

 

Aðalfundur  Smalahundafélags  Hörgársveitar  verður  haldinn fimmtudagskvöldið  9. apríl.  Kl.  20:30  í  leikhúsinu  á Möðruvöllum.

 

                                         Venjuleg aðalfundarstörf

                                                      Stjórnin. 


_______________________________________________

 

 

Smalahundafélag Hörgársveitar


Auðnum 

22.júní 2014

 

Sælir félagar.


Þá er það ákveðið.


Smalahundafélag Hörgársveitar ætlar í samstarfi við, Smalahundafélag Skagafjarðar og Húnavatnssýslna, að sjá um  Landskeppni Smalahundafélags íslands sem verður haldin 1. og 2. nóv. Ekki er alveg búið að fast setja stað, en keppnin verður annað hvort á Vorboðavelli við Blönduós eða við reiðhöllina á Sauðárkróki. Gott væri ef einhverjir  eru tilbúnir að starfa eitthvað með okkur þessa daga. Væntanlega verður haldið námskeið í tengslum við keppnina. Þannig að það er um að gera að taka þessa helgi frá og gera góðan skurk í að temja hunda sína.


Ef einhverjir hafa áhuga á að vera með smalahundasýningu á sæludaginn endilega látið stjórnina vita svo hægt sé að ákveða stað.


Alli og Davíð verða með kindur í hólfum hjá sér í sumar, þannig að ef einhver vill nýta sér það til þjálfunar hunda sinna, þá er bara hafa samband við þá.


Á aðalfundinum 11.feb. s.l. varð engin breyting á stjórn eða varamönnum. Þar var rætt hvort félagið vildi standa fyrir landskeppninni sem hér að ofan er minnst á. En fyrirspurn hafði borist formanni um það fyrir fundinn. Oddgeir og Áslaug á Myrká gengu í félagið.


F. h. Stjórnar Sf.H.


Formaður.

 

 

 

 

  • 1

Tenglar